Алматыда «Almatybike» жобасының 25 велобекеті орнатылды
Қала тұрғындары үшін келесі мекенжай бойынша орналасқан 25 велобекет қол жетімді болады.Жоба 3 этап бойынша іске асырылатын болады. Бірінші этап аясында қаланың орталық бөлігінде 270 велосипедке арналған 50 велобекет іске қосылған болатын. Велобекеттердің қамту аумағы 23 шаршы километр.
Жобаның екінші этапы барысында қосымша 150 велобекет орналастырылып, 1460 велосипед сатып алынатын болады. Бұл өз кезегінде қаланың негізгі іскерлік бөлігін қамтуға мүмкіндік береді. Қосымша велобекеттердің этап бойынша іске қосылуы 2017 жылдың шілде-қыркүйегі аралығында жүзеге асырылатын болады. Велобекеттердің қамту аумағы 98 шаршы километр.
«Үшінші кезеңді дамыту аясында, қаланың халық көп шоғырланған аумақтарын қамту үшін қосымша 100 велобекет орналастырылып, 680 велосипед сатып алынады деп жоспарлануда. 2018 жылы Алматы қаласында барлығы 300 велобекетте 2410 велосипед халық үшін қызмет атқаратын болады», - деп хабарлады қала әкімдігі.
«Almaty Bike»-тың жетістіктерінің бірі ретінде әлемдегі экоқозғалысты қолдау екені айта кеткен жөн.Веложүйе қызметі барысында қалалық коммуникацияларға қосылуды қажет етпейді, себебі велосипедтерді жалға алу векеттеріне қосылған күн сәулесінен қуат алатын күн батареясынан қуаттандырылады.
Сонымен қатар «Almaty bike» велосипедтері – демалысты өткізуге, жұмыс барысында пайдалануға және демалыс күндерін денсаулыққа пайдалы өткізуге арналған көлік құралы.
Пайдаланушылар үшін қол жетімді, әрі икемді тарифтік жобалар қарастырылған. Bike Sharing жүйесі пайдалану барысында, алғашқы 30 минут тегін жалға алу мүмкіндігін ұсынады. Яғни, ұсынылған уақыт аумағында велосипедтерді велобекеттерде ауыстыру барысында, велосипедті тәулік бойына тегін пайдалануға болады.
Туристерге немесе сирек пайдаланушыларға SMS арқылы велосипедтерді жалға алу мүмкіндігі бар. Пайдалану бойынша нұсқаулық әр велобекет пен әлеуметтік желілердегі барлық ресми парақшаларда орналасқан.
