Астанада ШЫҰ мен АӨСШК Халықаралық марафонына арналған флешмоб өтті

Флешмобты ҚР Мәдениет және спорт министрі Арыстанбек Мұхамедиулы бастады. Отандық спорт жұлдыздары Бақтияр Артаев, Данияр Елеусінов және тағы басқа танымал спортшылар флешмобтың көркін қыздырды.

Қатысушылар белгіленген межені жүгіріп өтіп, 27 тамызда өтетін жеңіл атлетикалық марафон туралы ойларымен бөлісті берді. ҚР Мәдениет және спорт министрі Арыстанбек Мұхамедиұлының айтуынша, аталған марафон ЭКСПО-2017 халықаралық көрмесі аясында өткізілетін ең ауқымды шаралардың бірі болғалы тұр.

Мәдениет және спорт министрлігі хабарлағандай, марфоншылар елорданың көрікті жерлерінен жүгіріп өту арқылы, Астанамызды әлем жұртшылығынаи паш етпек. Әрине басты мақсат – ел арасында сенімді, дипломатиялық қарым-қатынасты, достықты нығайта түсу болып отыр.

Спорттық шараға ШЫҰ мүше әрбір мемлекеттен жалпы 50 кәсіби спортшыны тарту көзделген. Олар, үш түрлі қашықтықта бақтарын сынайды: 42км 195 м, 10км, және 2017 метр. Шетелден келетін қатысушылар саны 1000 адамды құрап отыр. Қазақстандық тараптан 4000 адам қатысадфы деп күтілуде. Марафонға қатысушылардың жалпы саны 5000 адам. Марафонға онлайн тіркелу үстіміздегі жылдың 15-ші шілдесінде басталды.

Айта кетейік,  ШЫҰ алғашқы марафоны 2016 жылы өткізілді. Оған төрт құрлықтан 15,6 мың адам қатысты. Марафон ШЫҰ құрылуына 15 жыл толуына орайластырылды. Аталған шара қарапайым қазақстандықтар үшін салауатты өмір салты, достық пен әріптестік белгісі іспетті.