• Басты
  • ИДМ: Өңдеу өнеркәсібінің экономикадағы үлесі 30 пайызды құрады
22 Тамыз, 2017 15:04

ИДМ: Өңдеу өнеркәсібінің экономикадағы үлесі 30 пайызды құрады

Өңдеу өнеркәсібінің ЖІӨ-дағы үлесі 12 пайызды, ал, экономикада 30 пайызды құрады. Бұл туралы мемлекеттік бағдарламаның іске асырылу барысына арналған Үкімет үйіндегі баспасөз мәслихатында ҚР Инвестициялар және даму бірінші вице-министрі Алик Айдарбаев мәлімдеді.

ИДМ:  Өңдеу өнеркәсібінің экономикадағы   үлесі   30 пайызды құрады | Strategy2050.kz

Айта кетейік,  Индустриаландыру мемлекеттік бағдарламасының мақсаты - өнеркәсіпті әртараптандыру  және өңдеу өнеркәсібі саласының өсімі.

«Біздің экономика әртараптандыруды қажет етеді. Бірнеше жыл бойы  аталмыш бағдарлама жүзеге асырылып келеді. Жыл сайын өңдеу өнеркәсібінің  өсімі байқалады», - деді вице-министр.

А.Айдарбаевтың айтуынша, өңдеу өнеркәсібінің ЖІӨ-дағы үлесі  12 пайызды, ал, экономикада  30 пайызды құрады.

«Аталмыш бағдарлама жаңа нәтиже беруде. Жаңа жұмыс орындары құрылып, ел экономикасында өңдеу өнеркәсібінің үлесі артуда», - деді А.Айдарбаев.

2017 жылдың 7 айының қорытындысы бойынша өңдеу секторының кәсіпорындарында өндірістің нақты өсімі 6,3% құрады.

«2017 жылдың алғашқы тоқсанының қорытындысы бойынша өңдеу өнеркәсібіндегі еңбек өнімділігі 11,8 мың АҚШ долларын құрап, 5,3%-ға артты.

2017 жылдың қаңтар – мамырында өңдеу өнеркәсібіндегі экспорт көлемі  2016 жылдың сәйкес кезеңімен салыстырғанда 27,8%-ға артып, 6,2 млрд. АҚШ долларын құрады.

«Бұл әлемдік нарықтағы баға конъюнктурасының қолайлылығына, өнімді өткізу нарығының кеңеюі мен жеткізу өсіміне байланысты іске асырылып отыр»,-деп атап өтті Алик Айдарбаев.

Өңдеу өнеркәсібінің негізгі капиталына салынған инвестиция көлемі 411,1 млрд. теңгені құрады. Яғни, 2016 жылдың қаңтар – маусым айларымен салыстырғанда 27,5 млрд. теңгеге өсіп, 2,7%-ға артқан.

«Индустрияландырудың екінші бесжылдығы іске асырыла бастағаннан бері (2015-2016 жж.) 7 трлн. теңгенің 258 жобасы іске қосылып, 21 мың тұрақты жұмыс орны ашылды. Ал, 2017 жылдың 7 айында құны 489,8 млрд. теңгеден асатын 32 жоба іске қосылды. Мұнда шамамен 3,9 мың жұмыс орны ашылды»,-деді Бірінші вице-министр. 

Ақбота Күзекбай 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды