• Басты
  • Астанада Еуразия музыкалық ойындары аяқталды

Астанада Еуразия музыкалық ойындары аяқталды

22 Тамыз, 2017 16:59
Астанада тұңғыш рет Еуразия музыкалық ойындары өтті. Финалистер 2018 жылы Мальта аралдарында өтетін халықаралық байқауға қатысады.Шара туралы ОКҚ баспасөз мәслихатында Еуразия музыкалық ойындарының арт-директоры Михаил Кирхгофф айтып берді.

Ойын барысында 11 классикалық музыка концерті өтеді. Концертке Қазақстан, Ресей, Армения, Венгрия, Германия, Норвегия, Корея елінің музыканттары қатысады. 11 турдан тұратын музыкалық ойындардан үздік 5 музыкантты таңдап, халықаралық жарысқа дайындайды.

Мальта аралдарындағы конкурста 55 пианист-музыкант бақ сынап, 100 000 евро жүлде қорына ие бола алады.  Ал бүгін кешкі 21:00-де  Қазақ Ұлттық өнер университетінің ғимаратында Мальтаға баратын 5 қатысушы анықталады.

Жиын барысында Михаил Кирхгофф журналистерге шығармашылық байқаудың музыкалық ойындар атауын иеленген себебін айтты.

«Еуразия музыкалық ойындарын  «байқау», «жарыс» деп атасақ та болар еді. Алайда, біз ерекшеленгіміз келді. Музыкалық аспаптарда ойнайтын жарыс болғандықтан, өзімізше олимпиада ойындарына теңедік. Сол себепті, бұл шараны Еуразия музыкалық ойындары деп атағанды жөн көрдік», - деді ол.

 

 

Барлық жаңалықтар