Астананың Шебер-жоспары әзірленеді
Мемлекет басшысы жариялаған «Бес институционалды реформа» және «Үшінші жаңғыру» бағдарламаларын тиімді іске асыру үшін Астана әкімдігі қаланы 2020 жылға дейін дамыту бағдарламасын құрды.
«Ресурс үнемдеуші және энергия тиімді даму моделіне көшу Елбасының тапсырмасына сәйкес жаңа тәсілін құру басталды. Біз ТМД елдері ішінде алғаш болып, халықаралық стандарттарға сай 2 млн халыққа есептелген Астананың Шебер-жоспарын құрудамыз. Бұл инфрақұрылымның және қоғамдық кеңістіктің кешенді және теңгерімді дамуын қамтамасыз етеді», - деді Астана әкімі Әсет Исекешев.
Сонымен қатар, оның сөзінше, көліктік жүйенің жаңа даму моделі, сондай-ақ интернет пен космостық технологияларды қолдану арқылы Бірыңғай сандық 3D-карта құрылып жатыр.
Нысанның барлық өмірлік циклінен ақпараттық модельдеу технологиясы енгізілуде: жобалаудан бастап, пайдалануға берілгенге дейін, яғни 30% пайдалану есебімен құрылыс құны 20%-ға азаяды.
Бұдан бөлек, жылу, су, газ және электр ресурстардың нормативтерін анықтау үшін әртүрлі деңгейдегі ғимараттар үшін нысанды жоспарлау, құрылыс және пайдалануға беруге қойылатын ресурс үнемдеуші талаптарды жоғарылату жолымен Сингапур және Минск үлгілері бойынша құрылыстың жаңа «жасыл» стандарттары енгізілуде.
«Бұл жобаларды жүзеге асыру үшін ҚР ИДМ, Назарбаев университетінің, Л.Н.Гумилев атындағы ЕҰУ-дің және бизнес-қауымдастықтың қатысуымен қалалық технологиялар құзіреттілік орталығы құрылуда», - деді Ә.Исекешев.
