Ақтөбе облысы ЕАЭО елдеріне 269 млн доллардың тауарын экспорттады
22 Тамыз, 2017 09:14
Ақтөбе облысы ЕАЭО елдеріне 269 млн доллардың тауарын экспорттады, деп хабарлады облыстық статистика департаменті.
2017 жылғы қаңтар-маусымда Ақтөбе облысы бойынша өзара сауда ЕАЭО елдерімен 580973,5 мың АҚШ долларын құрады, оның ішінде экспорт – 269184 мың АҚШ долларын, импорт – 311789,5 мың АҚШ долларын құрады.
Ақтөбе облысы экспортының құрылымында басым бөлігін пайдалы қазбалар алады, олардың экспорттың жалпы көлеміндегі үлес салмағы 81% құраса, химиялық өнеркәсіп өнімдері - 2% құрады.
Ресей Федерациясы мен Беларусь Республикасынан, негізінен, мал шаруашылығы мен өсімдік шаруашылығы өнімдері, дайын азық-түлік тауарлары ЕАЭО елдерінен келетін импорттың жалпы көлемінен 14% құрайды, пайдалы қазбалар және одан жасалған бұйымдар (шыны және одан жасалған бұйымдарды қоса алғанда) - 14%, химиялық өнеркәсіп өнімдері - 27% әкелінеді.
