ОҚО-да 279 млн теңгеге 16 кооператив қаржыландырылды
21 Тамыз, 2017 17:16
2017 жылы «Оңтүстік» АИО және оның еншілес мекемесі «Ырыс» микроқаржы ұйымы бірлесе отырып 279 млн. теңгені құрайтын 16 кооператив және оның мүшелерін қаржыландырған.
Облыс әкімдігі хабарлағандай, 77 млн. тенгені құрайтын 3 жоба ауыл шаруашылық техникасын алуға, 45 млн. теңгені құрайтын 2 жоба құс шарушылығына, ал 156 млн. теңгені құрайтын 11 жоба мал шаруашылығы саласына бағытталған.
Сонымен қатар, компания тек Шымкент қаласының өзінде 242 млн. теңгені құрайтын 9 кооперативтің жобасын қаржылай қолдап отыр.
Бүгінгі таңда Орталық арқылы 10 кооперативтің жалпы 290 млн. теңгені құрайтын жобасы мақұлданып, қаржыландыру сатысында. Олар, сүт қабылдау бекеті, сүт тасымалдау автокөлігі, рефрижератор, құрама жем өңдеу цехы, мал сою бекетін жабдықтау сияқты құрал жабдықтарды алып, жұмыстарын жүргізбек.
