Ақмола облысында туризм қауымдастығы құрылды

«Ақмола  облысының  заңды тұлғаларының  туристік  Қауымдастығы» мен  жеке кәсіпкерлер  ұйымының  төрағасы, Кәсіпкерлер  құқығын  қорғау кеңесінің  мүшесі болып Қайрат Сұлтанов  тағайындалды.

Ұйымның басты мақсаты – өңірдің туристік әлеуетін арттыру.  Ал, оның  міндеті кәсібилік пен  туризм саласында көрсетілетін  қызметтің  сапасын арттыру. Қауымдастыққа  туристік бизнестің  24 субъектісі  мүше  болып отыр.

«Қатысушы атануға өтініштер қабылданып жатыр, олар туризмнің белсенді дамуына   аса мән береді.  Келесі  қауымдастық  отырысына  қатысушылар саны  50-ге жетеді деп жоспарлануда», - деді Өңірлік кәсіпкерлер палатасының  жобаларды ілгерілендіру  бөлімінің сарапшысы  Анар Шаймұханова.

Қазіргі таңда  қауымдастық қатысушылары  Ақмола облысының  картасы бойынша жұмыс істеп жатыр.  Өңірдің портреті  туристік ресурстарды, климаттық жағдайды,  туризм  түрлерін, орналасу орындары мен  тамақтану  нүктелерін қамтиды. Құрылған қауымдастық  туризм саласындағы  анықталған өңірлік саясатты талқылаудың алаңына айналады деп күтілуде.