Б.Сағынтаев еліміздің қорғаныс-өнеркәсіп кешені кәсіпорындарының жұмысымен танысты
Орталық Азиядағы заманауи брондалған дөңгелекті машиналар шығаратын ең ірі кәсіпорын «Қазақстан Парамаунт Инжиниринг» ЖШС-ін аралау барысында Бақытжан Сағынтаевқа жаңа инновациялық технологиялар қолданумен шығарылатын өнімдердің үлгілері көрсетілді.
«Қазақстан ASELSAN Инжиниринг» нысанында ҚР Премьер-Министрі Бақытжан Сағынтаевқа электронды және электронды-оптикалық өнімдер өндірісі таныстырылды.
Компанияның қызметі елімізге қажетті технологияларды трансферттеуге бағытталған, кәсіпорын алдыңғы қатарлы технологиялармен жұмыс істеуі үшін мамандарды оқытады және халықаралық зерттеулерге қатысуын қамтамасыз етеді.
Бұдан басқа, «Қазақстан-2050» стратегиясына сәйкес компанияның инфрақұрылымдық инновациялық дамуы жетекші шетелдік ғылыми-зерттеу орталықтарымен интеграциялануы үшін жағдай жасап, ғылым мен бизнестің салааралық кооперациясын қамтамасыз етуде.
