Жамбыл облысында 2013 жылы Индустрияландыру картасы бойынша 38,5 млрд теңгенің өнімі өндірілді
6 Қаңтар, 2014 12:00
Жамбыл облысында 2013 жылы Индустрияландыру картасы аясында кәсіпкерліктер 38,5 млрд теңгенің өнімін өндірді, деп хабарлайды облыс әкімдігінің баспасөз қызметі.
«Жамбыл облысында бүгінгі таңда 29 индустриялды нысан қолданысқа берілді. Солардың ішінде 19-ы жоспарлы қуаттың 60%-ына жұмыс істеп тұр, мұнда 4 мыңнан астам жаңа жұмыс орны ашылды. Облыста 2013 жылы Индустрияландыру картасы аясында кәсіпкерліктер 38,5 млрд теңгенің өнімін өндірді», - делінген хабарламада.
Жалпы Индустрияландыру картасына облыс бойынша 553 млрд теңгенің 40 жобасы енген болатын.
Айта кету керек, «Бизнестің жол картасы-2020» бағдарламасы аясында 178 жоба 22,9 млрд теңгелік пайыздық үстемақыны жабу мақсатында субсидия түріндегі мемлекеттік жеңілдікке ие болды. Сонымен қатар, 40 жобаға 6,5 млрд теңгелік өндірістік инфрақұрылымды дамыту бойынша мемлекеттік көмек көрсетілді.
