Самоа мемлекеті ЭКСПО тақырыбының маңыздылығын мойындайды

«Болашақ энергиясы» тақырыбының маңыздылығын ескере отырып, Самоа Үкіметі ЭКСПО-2017 көрмесіне қолдау көрсетеді. Адамзаттың энергияны шамадан тыс пайдалануы сынды жаһандық мәселелерді шешуде ЭКСПО-ның маңызы зор. Самоаның Климаттың өзгеруi жөнiндегi БҰҰ негiздемелік Конвенциясы  және 2025 жылға дейін электроэнергия өндірісі үшін жаңартылатын энергия көздерінің 100% қолданылуын енгізу арқылы парниктік газ қалдықтарын қысқарту жөніндегі Климаттық міндеттемелерінің айнымастығын растаймыз», - деді Самоа қаржы министрінің орынбасары Мулипола Лейатауа Лаки Мулипола сөз басында.

Сонымен қатар, ол  аталмыш мақсатқа қалай жететіндеріне тоқталды.

«Тұрақты энергиямен қамтамасыз ету саласындағы Энергетика секторының мақсаты аясында  «Өмір сүру деңгейін жақсарту» атты жаңа мемлекеттік саясат көмегімен Самоа осы мақсатты жүзеге асыруда. Қазақстан Республикасы Үкіметіне осы беделді іс-шараға қатысу мүмкіндігі үшін алғысымызды білдіреміз», - деді  Самоа қаржы министрінің орынбасары.

Өз кезегінде ҚР Еңбек және халықты әлеуметтік қорғау министрлігінің жауапты хатшысы Аида Құрманғалиева Қазақстан мен Самоа Тәуелсіз Мемлекеті жасыл экономика бағытында өзара тиімді ынтымақтастықты қалыптастырып, дамыту үшін зор мүмкіндік бар екендігін атап өтті.

Бұған  2013 жылғы 7 ақпанда, Нью-Йорк қаласында екі ел арасында қол қойылған Бірлескен коммюнике дәлел.