ДСМ скринингтік зерттеуді жетілдіру ұсыныстары бойынша сауалнама жүргізуде

Денсаулық сақтау министрлігі жұқпайтын ауруларды скринингтік зерттеуді жетілдіру ұсыныстары бойынша сауалнама жүргізуде.

«Денсаулық  сақтау министрлігі ұлттық скринингтік бағдарламаны дамыту және қоғамдық денсаулық сақтау жүйесін күшейту үшін  инфекциялық емес сырқаттарды скринингтік зерттеу шараларын жетілдіру жөнінде ұсыныстар жинақтау мақсатында  тұрғындар, медицина қауымы, медициналық жоғары оқу орындары, қауымдастықтар, ғылыми орталықтар, үкіметтік емес ұйымдар арасында  сауалнама  жүргізуде», - делінген  хабарламада.

Ұсыныстар мен скринингтік бағдарламалардың тиімділігін бағалау сырқаттарды ерте анықтаудағы оның нәтижелілігіне әсер ететін кедергілерді зерделеп, скрининг жүргізу шараларын жетілдіруге мүмкіндік береді.