Н.Назарбаев: Латын әліпбиіне көшу орыс тілінен бас тартуды білдірмейді (ВИДЕО)

18 Тамыз, 2017 10:09

Қазақстан Президенті Нұрсұлтан Назарбаев "Хабар" телеарнасына берген сұхбатында қазақ әліпбиінің латынға өтуі бойынша пікір білдірді.

«Латынға өту орыс тілінен, кирилл қарпінен бас тартуды білдірмейді. Латын қазақ тіліне қатысты. Орыс тілінде шығып жатқан барлық баспасөз Қазақстанның орыс тілді азаматтарына, кирилл сақаталады», - деп мәлімдеді Назарбаев.

Сондай-ақ, Елбасы халықаралық мамандандырылған EXPO-2017 көрмесін өткізудің маңыздылығына тоқталды.

«ЭКСПО-2017-нің орны ерекше, бұл шараны өзімізде өткізу құқығына оңай ие бола салған жоқпыз. Осы екі айдың ішінде Қазақстанға шамамен екі миллион адам келеді деп ойладық. Екі айдың ішінде 2,5 миллион адам келді», - деді Қазақстан Президенті.

Айта кетейік, Елбасы өзінің «Болашаққа бағдар: рухани жаңғыру» мақаласында жыл соңына дейін ғалым, филолог, лингвист пен сарапшылардың қатысуымен әліпбидің жобасын әзірлеу қажеттігін айтқан болаты.

Барлық жаңалықтар