Минск қаласында Беларусьтегі Қазақстан достары клубының кезекті отырысы өтті

«Өз сөзінде Қазақстан Елшісі Ерғали Бөлегенов 2013 жылдың ішінде өткен елеулі іс-шаралар, ең жоғары және жоғары деңгейде жеткізілген уағдаластықтар, бірлескен жобалардың жүзеге асырылуы туралы мәлімдеді. Қазақстанның халықаралық бастамаларына ерекше назар аударылды», - делінген хабарламада.

Клубтың тең төрағасы, Беларусь Парламенті төменгі Палатасының вице-спикері Виктор Гуминский екі елдің парламенттік бағыттағы, соның ішінде халықаралық ұйымдар шеңберіндегі ынтымақтастығы туралы хабарлады. Оның сөзінше, Қазақстан мен Беларусь президенттерінің арасында қалыптасқан достық және сенімді қатынастары біздің елдеріміздің стратегиялық бағытын белгілейді.

Қазақстан Республикасы мен Беларусь Республикасы арасындағы екі жақты қатынастарды нығайту мен дамыту ісіне қосқан жеке үлесі үшін Е.Бөлегенов Беларусь Республикасы Ұлттық Жиналысы Өкілдер Палатасы Төрағасының орынбасары - Виктор Гуминскийге алғыс хат пен бағалы сыйлық тапсырды.