ҚР Президенті бірқатар жарлықтарға қол қойды
16 Тамыз, 2017 18:23
ҚР Президенті Нұрсұлтан Назарбаев бірқатар жарлықтарға қол қойды, деп хабарлады Ақорданың баспасөз қызметі.
Мемлекет басшысының Жарлығымен Жәнібек Абдуләкімұлы Иманәлиев Ұжымдық қауіпсіздік туралы шарт ұйымының жанындағы Тұрақты кеңестегі Қазақстан Республикасының Өкілетті өкілі қызметіне тағайындалды.
Ал, Владимир Иванович Алесин зейнеткерлік жасқа толуына байланысты Ұжымдық қауіпсіздік туралы шарт ұйымының жанындағы Тұрақты кеңестегі Қазақстан Республикасының Өкілетті өкілі қызметінен босатылды.
Сондай-ақ, Мемлекет басшысының Жарлығымен Орман Кәрімұлы Нұрбаев басқа жұмысқа ауысуына байланысты Қазақстан Республикасының Түрікменстандағы Төтенше және Өкілетті Елшісі қызметінен босатылды.
