• Главная
  • ЭКСПО-2017 көрмесінде Қытайдың Ганьсу провинциясының күні өтті
17 августа, 2017 08:46

ЭКСПО-2017 көрмесінде Қытайдың Ганьсу провинциясының күні өтті

ЭКСПО-2017 халықаралық мамандандырлыған көрмесіндегі Қытай павильонындағы Ганьсу провинциясының күні аясында Жаңа Жібек Жолы шеңберінде ынтымақтастық мүмкіндіктері талқыланды.
ЭКСПО-2017 көрмесінде Қытайдың Ганьсу провинциясының күні өтті

Қазақстандық инвестициялық агенттіктің баспасөз қызметі хабарлағандай, шараның бағдарламасы аясында Ганьсу провинциясының ресми өкілдерінің іскерлік кездесулері, аталмыш аймақтың сауда-экономикалық әлеуетінің таныстырылымы өтті, сонымен қатар, көне қытайлық театр өнерінің бишілері мен әртістері өз өнерін көрсетті.

Қытайлық делегацияны Ганьсу провинциясының вице-губернаторы - Хуан Чян бастап келді. Сонымен қатар, Провинция күнінің жұмысына аталмыш аймақтың үкімет мүшелері, оның ішінде Цзюцюань қалалары мен Ганнань Тибет автономды округының мәрларының орынбасарлары, Қытайдың халықаралық саудасына көмектесу бойынша Төрағаның  орынбасары Ван Цзиньчжэнь атсалысты.

«Қазақстан мен қытайлық Ганьсуды екі маңызды құрам байланыстырады, ғарыш айлағы мен логистика. Қазақстандағы Байқоңыр мен Ганьсудағы Цзюцюань ғарыш айлақтары 20-ғасырдың 60-жылдары бастау алған. Ғарышты игеру өте жоғары технологияларды қажет етеді. Бұл технологиялар бізге өзге бағыттар бойынша көмектесе алады және де көмектесуі керек. Осы ретте, Ганьсу провинциясы күніне Қорғаныс және әуеғарыш өндірісі министрлігінің өкілдерінің қатысып отырғаны қуантады», -деді Қазақстандық инвестициялық ынтымақтастық агенттігінің басшысы Айдын Байедилов.

Өз кезегінде Ганьсу Вице-губернаторы Хуан Чян  Қазақстан мен Қытай арасындағы тығыз байланысты атап өтті.

«Қытай мен Қазақстанды жоғары деңгейдегі тығыз байланыстар байланыстырады және ол өзара сенім арқылы қолдау тауып жүр. Ганьсу мен Қытай экономикалық қатынастарды жан-жақты дамытуда үлкен мүмкіндіктерге ие», - деп түйді ол.