• Басты
  • Ауыл тұрғындарын қаржыландыруға 41 млрд теңге жұмсалады
16 Тамыз, 2017 14:56

Ауыл тұрғындарын қаржыландыруға 41 млрд теңге жұмсалады

"Ауыл шаруашылығын қаржылай қолдау қоры" арқылы биыл ауыл тұрғындарын және ауыл шаруашылығы кооперативтерін қаржыландыруға 41 млрд теңге бағыттау жоспарлануда. Бұл туралы "Ауыл шаруашылығын қаржылай қолдау қоры" АҚ басқарма төрағасы Жандар Омаров Үкіметте өткен баспасөз конференциясында мәлім етті.
Ауыл тұрғындарын қаржыландыруға 41 млрд теңге жұмсалады

Жандар Омаров атап өткендей, ҚР Ауыл шаруашылығы министрлігінің тапсырмасы бойынша Ауыл шаруашылығын қаржылай қолдау қоры кооперативтерді де және олардың қатысушыларын да несиелендірудің арнайы бағдарламаларын әзірледі. 

«Ынтымақ" ауыл шаруашылығы кооперативтерін несиелендіру бағдарламасы сервистік-дайындау қызметтерін ұйымдастыру және ауыл шаруашылығы өнімін өңдеу мақсаттарына 7 жыл мерзіміне жылдық 6%-бен 50 млн теңгеге дейін несие алуға мүмкіндік береді. Сонымен қатар, ағымдағы жылғы мамырдан бастап кепілге мүлік берудің оңайлатылған механизмі жұмыс істейді, мұнда несиелік қаражат есебінен сатып алынатын мүлік кепілге алынады», - деді Қор басшысы.

Бұл механизм сүт қабылдау, мал сою пункттері үшін модульдік жабдық алу кезінде және сүт таситын көліктер мен тоңазытқыштар сатып алу кезінде қолданылады.

«Мал бордақылауды ұйымдастыру үшін кооперативтерге қатысушылар 6,5 жылға 4 млн теңгеге дейін несие ала алады. Мал өсіру үшін 6,5 жылға 6 млн теңгеге дейін несие беріледі. Жалпы, Ауыл шаруашылығын қаржылай қолдау қоры арқылы ауыл тұрғындары мен ауыл шаруашылығы кооперативтерін қаржыландыруға ағымдағы жылы 41 млрд теңге бағыттау жоспарланып отыр», - деп хабарлады Ж. Омаров.

Жалпы, бүгінде Қор 33,3 млрд теңгені мақұлдаған, 28,4 млрд теңге сомасына 7 339 жобаны қаржыландырған. Қордың несие өнімдері кооперативтердің 99 сүт қабылдау пунктін, 27 мал сою пунктін, 29 сүт тасу көлігін, 20 тоңазытқыш сатып алуына, 13 мал сою пунктін жабдықпен толық жарақтандыруына мүмкіндік берді. 

 

Ақбота Күзекбай

Фото Шыңғыс Қаппаров

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды