2014 жылы Қызылорда облысында жетім балаларға арналған отбасылық түрдегі ауылдың құрылысы жоспарлануда

«Балалар ауылы 10-12 отбасылық үйден құралады. Әр үйде 18 жасқа дейінгі 7-ден 10-ға дейін ұлдар мен қыздар аралас отбасы өмір сүретін болады», - делінген хабарламада.

Қазіргі таңда облыста 1 мыңнан астам жетім және ата-аналарының қамқорлығынсыз қалған балалар бар. Солардың 858-і отбасыларда тәрбие алуда. Ал интернаттық ұйымдарда 200 бала қамқорлықта.

Айта кету керек, өңірдегі «Қонақ отбасы» әлеуметтік жобасын іске асырғанның арасында балалар үйінен бала асырап алушы отбасылардың қатары көбейді.