• Басты
  • АӨК-тің бәсекеге қабілетті өнімді өндіруін арттыру керек – Н.Назарбаев
15 Тамыз, 2017 18:29

АӨК-тің бәсекеге қабілетті өнімді өндіруін арттыру керек – Н.Назарбаев

ҚР Президенті Нұрсұлтан Назарбаев Қазақ ұлттық аграрлық университетінің ректоры Тілектес Есполовты қабылдады, деп хабарлады Ақорданың баспасөз қызметі.

АӨК-тің бәсекеге қабілетті өнімді өндіруін арттыру керек – Н.Назарбаев | Strategy2050.kz

Кездесу барысында Қазақ ұлттық аграрлық университетінің ректоры жоғары оқу орнының қызметі мен даму перспективасы жөнінде мәлімдеді.

«Біз бүгінде он бір халықаралық консорциумға мүшеміз. 2015 жылдан бастап QS ЕЕСА («Дамушы Еуропа және Орталық Азия») тұжырымы бойынша әлемнің үздік университеттерінің рейтингіне қатысып, бұл бағалау аясында алғашқы жылы 150 жоғары оқу орнының ішінен 67-орынға ие болдық. Қазіргі уақытта университетте 50-ге жуық ғылыми жоба іске асырылуда», – деді Т.Есполов.

Сонымен қатар, Мемлекет басшысына отандық агроөнеркәсіптік кешенді инновациялық дамытуға мүмкіндік беретін университеттің агротехнологиялық хабының қызметі жөнінде айтылды.

«Бұл хаб жаңа технологияларды, идеялар мен стартап жобаларды іздестіруге, оларды тартуға және енгізуге, сондай-ақ мемлекет-жекеменшік серіктестігінің тетіктерін іске асырып, университеттің өзін-өзі қаржыландыруын және дербестігін қамтамасыз етуге арналған», – деді Қазақ ұлттық аграрлық университетінің ректоры.

Қазақстан Президенті еліміздің аумағында ауыл шаруашылығы саласындағы ғылыми орталық құру қажет екенін атап өтті.

«Ғылыми зерттеулердің нәтижелерін енгізу мен мамандарды даярлаудың тиімділігін арттырған жөн. Сондай-ақ, агроөнеркәсіптік кешеннің бәсекеге қабілетті, экспортқа бағытталған өнімдерінің көлемін арттыру керек», – деді Нұрсұлтан Назарбаев.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды