Атырау-Ақтау жолында медициналық-құтқару пункті ашылды
5 Қаңтар, 2014 11:12
Атырау-Ақтау жолындағы Доссор ауылының маңында медициналық-құтқару пункті ашылды, деп хабарлайды Атырау облысының ішкі саясат басқармасы.
«Жолдағы медициналық-құтқару пунктінде қызмет көрсететін қызметкерлер саны 10 адам. Олар вахталық әдіспен жұмыс істейді. Әр ауысымның құрамында дәрігер, фельдшер, фельдшер-диспечер, жүргізуші-құтқарушы және құтқарушы бар», - делінген хабарламада.
Сонымен қатар, ЖМҚП автопаркіне HyundaiCounty реанимобилі берілді. Машина бір мезетте 7 адамды таси алады.
Айта кету керек, «Саламатты Қазақстан» бағдарламасы аясында облыстық денсаулық сақтау басқармасы, ТЖД мен ІІД-нің әкімшілік полициясы тарапынан Атырау-Орал, Ақтөбе-Атырау-Астрахан және Атырау-Ақтау республикалық жолдарының ең қауіпті деген аймақтарының картасы дайындалды.
