• Басты
  • ҚР ҰЭМ: Үкімет көрсетілетін қызметтер экспортын ілгерілету бойынша жұмыс жүргізеді
15 Тамыз, 2017 14:17

ҚР ҰЭМ: Үкімет көрсетілетін қызметтер экспортын ілгерілету бойынша жұмыс жүргізеді

Ұлттық экспорттық стратегияны іске асыру 2022 жылға дейін шикізаттық емес экспортты 1,5 есе өсіруге мүмкіндік береді. Енді үкімет тауарларды жеткізумен ғана емес, сонымен қатар көрсетілетін қызметтерді ілгерілетумен де айналысатын болады. Бұл туралы Үкімет отырысында ұлттық экономика министрі Тимур Сүлейменов мәлімдеді.
ҚР ҰЭМ: Үкімет көрсетілетін қызметтер экспортын ілгерілету бойынша жұмыс жүргізеді

Басым тізімге көлік, туризм, білім беру және медицина саласында көрсетілетін қызметтер енді.

«Көлік бойынша, ең алдымен, Еуропа мен Қытай арасында тауарларды жеткізу жөніндегі транзиттік әлеуетті есепке алу қажет, ол Қытайдың батыс өңірлерінің озық өнеркәсіптік өсуімен және Қытайдың шығыс порттары арқылы жүк тасымалдау құны мен артық жүктелу проблемасымен түсіндіріледі. Сондай-ақ, жеткізудің анағұрлым қысқа мерзімін талап ететін өнімдер үлесінің өсуімен Қытайдан Еуропаға жеткізілетін тауарлар ағымы құрылымының өзгеруі күтіледі», - деді Тимур Сүлейменов.

Сондай-ақ, энергия ресурстары транзиті жоғары үлеске ие болады.

«Туризм бойынша. 2017 жылы Қазақстан New York Times дайындаған 52 ел рейтингінде 26-орынды иеленді.  Қазақстан бірегей табиғи ресурстар мен тарихи-мәдени мұраға бай, бұл елдің ДЭФ-тің туризм бойынша  рейтингіндегі (қауіпсіздік және баға бойынша бәсекеге қабілеттілік көрсеткіштері бойынша) туристік қызмет көрсету экспортын ұлғайтуға мүмкіндік береді», - деп атап өтті министр. 

Қаржы және іскерлік қызметтер саласында Халықаралық қаржы орталығын құру және дамыту осы қызмет көрсету секторын дамытудың стимулына айналуы тиіс, деп қосты Т. Сүлейменов.

«Білім беру секторы бойынша. Қазақстан 170 мың шетелдік студентті оқытуға қабілетті. Бүгінде қазақстандық тоғыз жоо QS рейтингіне еніп, 275-орыннан бастап +701-орынға дейін иеленді», - деп атап өтті ҚР ҰЭМ басшысы.

Медициналық сектор әлеуеті жайында айта келе, Тимур Сүлейменов Ұлттық медициналық холдингтің бес қазақстандық медициналық орталығы JCI халықаралық аккредиттеуінен өткенін мәлім етті.

«Медициналық орталықтарда халықаралық деңгейге сәйкес келетін жоғары технологиялық қызметтер көрсетіледі. Қазақстан жүрекке жоғары технологиялық операция жасайтын әлемнің 22 елінің қатарына енді. Бүгінгі күні 20 мыңнан астам шетелдік пациент қазақстандық медициналық мекемелерде көмек алуда», - деп баяндады ол.

Қазақстан ғарыш саласындағы көрсетілетін қызметтерді көрші елдерге экспорттайтын болады.

«2014 жылы «KazSat» ғарыштық байланыс жүйесі (ҒБЖ) коммерциялық пайдалануға енгізілді. Қызмет көрсету аймағы «KazSat» сериясына жататын ғарыш аппараттарының спутниктік сыйымдылығын ұсыну бойынша қызмет көрсетулерді экспорттауға мүмкіндік береді. Өзбекстан, Қырғызстан және Тәжікстан нарықтары анағұрлым басым болып келеді. Осы қызметтің экспорттық әлеуеті 2,2 млн АҚШ долларына жуық», - деді ведомство басшысы.

Министр хабарлағандай, перспективалы «экспорт себеті» тауарларының экспорты үшін бағытты анықтау кезінде көліктік қолжетімділік, елдер импорты мен Қазақстан экспорты құрылымының сәйкестік индексі, елдер импортының өсімін болжау және талданатын елдердің қазақстандық шикізаттық емес тауарларының импорт көлемі критерийлері ескерілді.

«Нәтижесінде, қазақстандық тауарлар мен көрсетілетін қызметтерді өткізудің перспективалы нарықтары ретінде 27 ел анықталып, олар Қазақстан үшін экспорттық мүдделілік деңгейі бойынша басым, жоғары және орташа экспорттық мүдделілік елдеріне және ұзақ мерзімді болашақта мүдделілік танытатын елдерге бөлінген», - деп түйіндеді Тимур Сүлейменов.

Ақбота Күзекбай

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды