• Басты
  • Қазақстанда Инвестициялық жобалар картасы енгізіледі
15 Тамыз, 2017 12:41

Қазақстанда Инвестициялық жобалар картасы енгізіледі

Инвесторлармен тиімді жұмыс істеу және жүзеге асырылып жатқан инвестициялық жобаларға мониторнг жүргізу үшін Инвестициялық жобалар картасы енгізіледі. Бұл туралы Үкімет отырысында ҚР инвестициялар мен даму министрі Жеңіс Қасымбек хабарлады.

Қазақстанда Инвестициялық жобалар картасы енгізіледі | Strategy2050.kz

«Инвесторлармен тиімді жұмыс істеу үшін және жүзеге асырылып жатқан инвестициялық жобаларға мониторнг жүргізу үшін ақпараттық-мониторингтік жүйеге интеграцияланған Инвестициялық жобалар картасы енгізіледі. Карта екі бөлімнен тұрады: инвесторларға ұсыну үшін әлеуетті инвестициялық жобалар және инвесторлар тартылып қойған жүзеге асырылып жатқан жобалар», - деді ведомство басшысы.

Министрдің айтуынша, Инвестициялық жобалар картасы инвестициялық жобалардың жүзеге асырылу барысына бақылау жасайтын және меморгандардың, ұлттық компаниялардың, әкімдердің жұмысының тиімділігін бағалайтын басты құрал болады.

Бұдан басқа, Ж. Қасымбек Стратегия аясында қойылған міндеттемелерді сапалы жүзеге асыру мақсатында СІМ-мен, шекарадан тыс мекемелелермен, салалық министрліктермен, ұлттық компаниялармен және әкімдіктермен  нақты уақыты мен жауапкершілік аймақтары бекітілген өзара жұмыс істеу механизмі енгізілетінін жеткізді.

«Әр қайсысының өзінің міндеті, индикаторы мен жұмыс істеу жоспары болады.  Дүниежүзілік банкпен пилоттық аймақ ретінде Қостанай облысы бекітіліп, Стратегияны жергілікті деңгейде жүзеге асыру бойынша аймақтық жоспар жасақталды», - деді ол.

Бұған дейін, Үкіметтің отырысы барысында ҚР инвестициялар және даму министрі Жеңіс Қасымбек 2018-2022 жылдарға арналған Ұлттық инвестициялық стратегияның қалай әзірленіп жатқаны жайында айтып берді.

Ақбота Күзекбай

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды