Жолдарды жөндеуден өткізу туристердің ескерткіштерге қызығушылығын арттыруға мүмкіндік береді - М.Ысқақов

«Қазақстандағы барлық көне мәдени-тарихи және археологиялық ескерткіштердің үштен екі бөлігі  Маңғыстауда орналасқан. Олардың басым бөлігі аймақ бойынша емес, еліміздегі үздік ескерткіштермен салыстыруға болады. Оларға деген туристердің қызығушылығын жолды жөндеу арқылы арттыра аламыз», - деп атап өтті Маңғыстау облысы әкімінің орынбасары мақсат Ысқақов ОКҚ-да өткен баспасөз конференциясында.

Маңғыстау – ашық аспан астындағы үлкен музей. Туризмді дамыту өңірдің бірегей ескерткіштерін әлемге танытуға мүмкіндік береді.

«Маңғыстау облысында өткеннің ерекше куәгерлері топтастырылған. «Рухани жаңғыру» аясында қыруар шаруа атқарылуда. Туризмді дамыту – бұл бірінші кезде инфрақұрылым», - деді М. Ысқақов.

Аймақтағы рухани ескерткіші Бекет-Ата кешеніне апаратын 51 км жолды салу үшін бюджеттен қаржы бөлінді.