Есіл ауданында «Туған жер» аясында 12 жоба жүзеге асырылуда

Ақмола облысының әкімдігі хабарлағандай, «Ново-Приречное» ЖШС  жыл соңына дейін  Юбилейное ауылында  газ құбырын тарататын желіні  құрып, оны  160 үйге қосуды жоспарлап отыр.  Сондай-ақ,  3,5 шақырым  жолды жөндеп, екі үй салу жоспарланған. Аталмыш әлеуметтік жобаларды  жүзеге асыру үшін  270 млн теңге жұмсау қарастырылған.

Өз кезегінде, «Заречный» ЖШС өз есебінен  110 млн теңгеге  келесі жылдың соңына дейін  Заречное ауылында  спорт мектебіне күрделі  жөндеу жүргізу жоспарланған.

Сондай-ақ, өңір басшысы  Есіл ауданындағы орталық қазандықтың  құрылыс  барысын тексерді.  Бұл жерде жұмыс өткен жылы басталған болатын. Оны  2018 жылдың  күзінде аяқтау жоспарланып отыр.

Жобаның құны  6,9 млрд теңге,  ол сапалы және толассыз жылумен 85 пайыз тұрғын үй массивін қамтамасыз етеді. Аталмыш жобаны  жүзеге асыру  аясында  қаланың экологиялық жағдайы жақсарды: 10 қазандық консервленеді.

Сондай-ақ, М.Мырзалин  Есіл қаласында  жаңа қонақ-үй кешені  «А*Star» кешенін қарады, қазіргі таңда  кіреберіс  жолдары мен автотұрақ құрылысы жүруде.

Облыс әкімі  соңғы жылдары облыста  бюджеттік қаржының бөлінуі артқанын айтты,  олар техникалық және  кәсіптік білім беру жүйесін жаңғыртуға  бағытталған.

«Қазіргі таңда мемлекет  жұмыссыздарды жұмыспен қамту бойынша барлық шараларды жүзеге асырып жатыр. Жыл соңына дейін  аталмыш колледж базасында  қажетті мамандықтар бойынша оқытудан  алты мыңға жуық тұрғын оқытылады», - деді әкім.