ОҚО-да 2013 жылдың соңғы аптасында 48 әлеуметтік нысан ашылды
«Олардың қатарында 9 денсаулық сақтау мекемелері мен Сарыағаш қаласында көпқабатты тұрғын үй, Түркістан қаласында қолөнер шеберлері орталығы мен Сауранда мектеп ашылды, Шардарадағы Өтеғұл, Көксу ауылдарының тұрғындары ауыз сумен қамтылды», - делінген хабарламада.
Сондай-ақ, елді мекендерді газбен жабдықтаудың 6 жобасы іске асты, 3 жаңа балабақша ашылды.
Шардарадағы балық зауыты қайта құрылымдаудан өтсе, облыс аумағында ауылшаруашылығы саласында 20 жоба жүзеге асты. 2013 жылы республика ауқымында салынған әлеуметтік нысандардың 49 пайызы Оңтүстік Қазақстан облысының үлесінде.
Биылғы жылдың жүзінде өңірімізде 332 әлеуметтік мәні бар нысандардың құрылысы жүргізіліп, оның 180 нысаны ел игілігіне пайдалануға берілді. Бұл жобалардың басым көпшілігі облыс бюджетін оңтайландырудың нәтижесінде іске асты.
