ҚР Ұлттық кітапханасына Базиликата символы сыйға тартылды

11 Тамыз, 2017 13:38

Ұлттық академиялық кітапханаға итальяндық Базиликата өңірінің символы сыйға тартылды. Сыйлықты Италияның Қазақстан Республикасындағы елшісі Стефано Раваньян ЭКСПО-2017 көрмесіндегі Италия павильонында мекеменің директорына салтанатты түрде табыстады.

Матера қаласының атынан сыйлық болып табылатын объект енді Ұлттық академиялық кітапханада орын алады.

«Осы сыйлық қызықты идеяға уәждеме болады деп сенемін. Бұл - әлемдегі ең ежелгі қалалардың бірі Матера қаласының символы. Қаланың құрылғанына 8 мың жылдан астам уақыт болған. Онда адамдар палеолит кезеңінен бастап тұрып келеді», - деді С. Раваньян.

Ұлттық академиялық кітапхана директоры Үмітхан Мұңалбаева күтпеген сыйлық үшін алғыс білдіріп, Матера қаласын көруге ниет білдірді.

Айта кетейік, Матера қаласы өзін 2019 жылы Еуропалық мәдениет астанасы ретінде танытпақ.

Объект Матера қаласы Базиликата өңірінде ғана емес, сонымен қатар еуропалық деңгейде де мәдени, тарихи және көркемөнер тұрғысынан дамытып келе жатқан жаңа бағыт болып табылады. Оның прототипі әр түрлі материалдардың қолданылуымен орындалған. Сфералық сыртқы бөлігі лазермен қалыптастырылған, қайта өңделген екі толқынды картоннан тұрады.

Матераның үңгірлі үйлер орналасқан ескі бөлігі ЮНЕСКО дүниежүзілік мұра объектісі болып табылады.

Ақбота Күзекбай

Автордың суреті