Өскеменнің 23 ауласында балаларға арналған алаңдар пайда болады
11 Тамыз, 2017 14:58
Қыркүйек айының соңына қарай Шығыс Қазақстан облысының Өскемен қаласындағы 23 аулада ойын алаңдары ұйымдастырылады.
YK-news.kz хабарлағандай,алаңдар сырғанайтын төбешіктермен, әткеншектермен, құмсалғыштармен және турниктермен жарақтандырылады. Балаларға арналған аумақта балалардың жарақаттануына жол бермейтін арнайы резеңке төсем салынады.
Ақпарат бойынша, қазіргі уақытта алдын ала жұмыстар жүргізіліп жатыр: барлық учаскелерде алаңды орналастыруға арналған негіз дайындалған. Әрбір ойын кешені бордюрмен қоршалады.
