Астанада оқулықтарды сатып алу аяқталды
10 Тамыз, 2017 20:46
Елордада оқу құралдарын сатып алу аяқталды. Елорданың мектептері жаңа оқу жылына дайын. Бұл туралы Астана қаласы білім беру басқарамсы басшысының міндетін атқарушы Әнуар Жанғозин ОКҚ-дағы баспасөз конференциясында хабарлады.
Оның айтуынша, 15 тамыздан бастап барлық мектептерге оқулықтар жеткізіле бастайды.
«Елордалық мектептер компьютерлік және зертханалық құралдармен жабдықталған. Барлық мектептер 100% интернетпен қамтылған, жәнеде 100% оқу құралдарымен қамтылады. Ағымдағы жылы шет тілінде қосымша әдебиет сатып алынды. Осылайша барлық мектеп кітапханаларында ағылшын тілінде көркем әдебиет туындылары пайда болады», - деді А. Жанғозин.
Ағымдағы жылы 46 мектепте құлтемір техникасы сыныбы, ал колледждерде мехатроника зертханасы ашылады.
Атап өтер болсақ, Білім күнін 95 елордалық мектептің оқушылары қарсы алады. Ағымдағы жылы Астанада мектеп партасына алғаш рет 23 000 бүлдіршін отырады.
