• Басты
  • Беларусь 2 жылда орташа есеппен бір су электр станциясын іске қосады – А.Ничкасов
10 Тамыз, 2017 11:12

Беларусь 2 жылда орташа есеппен бір су электр станциясын іске қосады – А.Ничкасов

Беларусияда гидроэнергетика белсенді дамып келеді. Бұл туралы ЭКСПО-2017 халықаралық мамандандырылған көрмесі аясындағы баспасөз-конференциясында Қазақстан Республикасындағы Беларусь Республикасының Төтенше және Уәкілетті елшісі Анатолий Ничкасов хабарлады.
Беларусь 2 жылда орташа есеппен бір су электр станциясын іске қосады – А.Ничкасов

Ол атап өткендей, мемлекетте өзгеде жаңартылған энергия көздері зерттеліп, енгізу жұмыстары белсенді жүргізілуде.

«Беларусь өзендер мен көлдерге бай дәстүрлі мемлекет. Бізде су электр станцияларын салу бойынша бүтін бір бағдарлама бар. Орташа есеппен 2 жылда бір су электр станциясын пайдалануға береміз. Соңғы 5-10 жылдағы динамика осындай. Беларусь Республикасында жаңартылған энергияның өзгеде түрлерін зерттеу және енгізу жұмыстары жүргізілуде. Олар энергокөзін өндіру үшін биомассаны пайдаланатын биотехнология. Бұдан басқа, сұйық отын мен көгілдір отын шығарылады. Біздің мемлекеттің жел ресусрстары да жеткілікті, осы ретте Беларусияның солтүстік-батыс аймақтарында жел энергиясын өндіретін қуаттылықтар орнатылған. Сонымен қатар бізде, еліміздің геотермалды көздерін пайдалану бойынша зерттеулер жүргізілді», - деді А. Ничкасов.

«Астана ЭКСПО-2017»ҰК»АҚ баспасөз қызметі хабарлағандай, Беларусияда ЖЭК дамытудан басқа атом электрстанциясын құру жобасы жүзеге асырылуда.

Ничкасовтың айтуынша, 2020 жылға қарай бұл станция толық режимде жұмыс істейтін болады. АЭС құрылысы МАГАТЭ-ның талаптары мен ережелеріне сай жүргізілуде.

«Бүгінде біз атом электр станциясының құрылысын жүргізудеміз, оның жұмысы барысында ең соңғы үлгідегі реактор пайдаланылуда, оның үш деңгейлі қауіпсіздік жүйесі бар», - деді А. Ничкасов.

Сөз соңында елші алдағы күндері Ұлттық күнді атап өтуге арналған мерекелік шараның өтетінін және оған БР премьер-министрі Андрей Кобяковтың қатысатынын жеткізді. 

Барлық жаңалықтар