ҚР-да онкологиялық аурулармен күресте жаңа технологиялар пайдаланылады (ФОТО)
9 Тамыз, 2017 16:39
Қазақстанда онкологиялық аурулалға шалдыққандардың өлімі азаюда. Бұл туралы ҚР Үкіметіндегі баспасөз конференциясында ҚР денсаулық сақтау вице-министрі Ләззәт Ақтаева хабарлады.
Оның айтуынша, соңғы он жылда барлық негізгі көрсеткіштер оң динамикаға ие болып отыр, жалпы адам өлімі 27 пайызға қысқарып, ана өлімі 4 есе төмендеген, сәби өлімі 1,6 есе, қатерлі ісік аурулары 20 пайызға, туберкулез ауруынан қайтыс болғандардың саны 5 есе азайған.
«Әрине нәтиже жаман емес, алайда ЭЫДҰ-мен салыстырғанда алар асуымыз әлі алыста. Осы мақсатта жұмыстар жалғасуда. Бүгінде Астанада орналасатын Ұлттық ғылыми онкология орталығы жобасы жасақталуда. Болашақта онкологиялық аурулармен күресте жаңа технологиялар пайдаланылады», – деді Ләззәт Ақтаева.
Вице-министр атап өткендей, барлық жүзеге асырылып жатқан шаралар науқастардың өмір сүру сапасы мен оларды емдеу сапасының артуына алып келеді.
Ақбота Күзекбай
Фото Шыңғыс Қаппаров
