Заң тәртіптерін орындамағаны үшін туроператорлар рұқсатынан айырылады

9 Тамыз, 2017 14:56

Қазақстан Республикасының барлық азаматтарын туроператорлар өз міндеттемелерін орындамаған жағдайда елге қайту кепілдігі мақсатында тур-код алу қажеттілігі туады, деп хабарлады Мәдениет және спорт министрлігінің баспасөз қызметі.

Бұл норма қолданыстағы заңнамамен реттелген. «Қазақстан Республикасындағы туристік қызмет туралы» ҚР заңымен нарықтың барлық қатысушылары көшпелі туризм саласында Қазақстан Республикасы азаматтарының құқығына кепілдік беру жүйесі шеңберінде қызметін жүзеге асыруға міндетті.

Кепілдік беру Жүйесінің Әкімшісі – «Туристік Қамқор» корпоративтік қоры болып табылады әрі кепілдік беру жүйесінің қатысушысы келесіні қамтамасыз етеді:банк кепілдігінің болуы; турлардың электрондық тізілімімен беріліп, тур-кодпен расталған өткізілген әрбір туристік өнім үшін 0,5 АЕК көлемінде алым төлеу.

Кепілдік беру жүйесінің қатысушылары болып табылмайтын туристік фирмалар заңнама шеңберінен тыс жұмыс істейтінін атап өту керек. Қазіргі сәтте, Жүйенің әкімшісімен жасалған шартқа туристік қызмет субъектілері барлығы бірдей қол қоймаған.

«Қазақстан Республикасындағы туристік қызмет туралы» ҚР заңының 27-бабының осы нормасын орындамағаны үшін туроператорлық қызметке берілген лицензияны тоқтата тұру түріндегі жаза көзделеді.

Барлық жаңалықтар