СҚО әкімі қыркүйектің ортасына дейін қоқыс орындарын жинау жұмысын аяқтауды тапсырды

8 Тамыз, 2017 20:16

Солтүстік Қазақстан облысының әкімі Құмар Ақсақаловтың төрағалығымен өткен өңір әкімдігінің отырысы барысында елді мекендердегі қатты тұрмыстық қалдықтарға арналған орындарды жинау және рұқсат беру құжаттарын ресімдеу туралы мәселелер қаралды.

«Солтүстік Қазақстан облысының аумағында қалдықтар 488 объектіде орналастырылады, оның ішінде 486-сы - аудандарда және 2-уі Петропавл қаласында. 2016 жылы аудандық әкімдіктер жергілікті халықпен келісу арқылы ҚТҚ орналастыру объектілерін оңтайландыру жұмысын жүргізді. Бұрын 579 объект болса, оңтайландырудан кейін жалпы саны 91 объектіге қысқарды», - деп атап өтті табиғи ресурстар және табиғат пайдалануды реттеу басқармасы басшысының міндетін атқарушы Анатолий Усольцев.

Облыс аумағында қалдықтарды сұрыптау, кәдеге жарату және өңдеу саласында қызметін жүзеге асыратын 21 кәсіпорын жұмыс істейді, оның 9-ы ҚТҚ сұрыптаумен, өңдеумен және кәдеге жаратумен айналысады. Петропавл қаласында қалдықтарды бөлек жинау мақсатында пластик жинауға арналған 310 контейнер орнатылған.

А. Усольцев ағымдағы жылдың бірінші жартыжылдығында осы кәсіпорындар 1638 тонна ҚТҚ өңдеген, бұл 2016 жылдың ұқсас кезеңімен салыстырғанда 457 тоннаға артық.

Әкім облысы Құмар Ақсақалов қыркүйектің ортасына дейін қоқыс орындарын жинау жұмысын аяқтауды тапсырды.

«Жол картасы бойынша Петропавл қаласында қалдықтарды бөлек жинауға арналған арнайы контейнерлер орнатылуда. 2017 жылғы сәуірдегі жағдай бойынша пластикке арналған 310 контейнер орнатылған. Ал қалған қоқыстар ортақ контейнерге тасталады», - деп атап өтті өңір басшысы.

Сондай-ақ кездесуде басқармалардың қаулы-жобалары да қаралып, олар бойынша тиісті шешімдер қабылданды.