ШҚО-да кәсіпкерлерге қызмет көрсету орталығы құрылады
8 Тамыз, 2017 17:13
Өскемен қаласында Кәсіпкерлерге көмек көрсету қызметін ашу жоспарланып отыр. Орталықта олар кәсіп ашу бойынша кеңес ала алады. Бұл туралы Шығыс Қазақстан облысының әкімдігінде өткен кеңес барысында белгілі болды.
Өңір әкімдігі хабарлағандай, орталықты ашу қажеттілігі бұрын туған болатын. Кәсіпкерлер құжаттарды келісу үшін, әртүрлі мекемелерге баруға міндетті, ол көп уақытты талап етеді.
ШҚО әкімі Даниал Ахметов КҚО ашуды қолдады. Осы тапсырма бойынша жұмысты тыңғылықты ұйымдастыруды жүктеді.
«Міндетті түрде заң бойынша консультациялар қолжетімді болуы керек. Несиелік бағдарлама бойынша ақпарат ұсыну керек. Ұйым өкілдері орталықта кәсіпкерлерді қабылдауы керек», - деді өңір басшысы.
Кәсіпкерлерге қызмет көрсету орталығының қызметі шешілген соң оны орналастыру мәселесі шешіледі.
