Шаңтөбеде мембағдарлама аясында жаңа қазандық салынады
8 Тамыз, 2017 12:33
Шаңтөбе ауылында құны 1 млрд 243 млн теңге болатын жаңа қазандық салынады. Жоба 2020 жылға дейін өңірлерді дамыту мемлекеттік бағдарламасы аясында жүзеге асырылда. Ағымдағы жылы қомақты қаржының 800 млн теңгесі бөлінген.
Степногорск қаласының әкімі Әнуар Күмпекеев Шаңтөбе ауылында болып, жаңа қазандықтың құрылысымен танысты.
Ақмола облысы әкімдігінің ақпараты бойынша, қала басшысы мердігер компанияның өкілдерімен кеңес өткізді, олар өз кезегінде құрылыс үшін арнайы учаскенің дайындалғанын, қатты отынды сақтауға арналған қойманың ірге тасы құйылғанын жеткізді. Сонымен қатар, арнайы құрал жабдықтарды жеткізу жүргізіліп жатқанын хабарлады.
Осы ретте, Әнуар Күмпекеев, кестеден ауытқулар бар екенін ескертіп, ауылдың әкімі Ержан Мұқанов пен «Шаңтөбе-Энергокомплекс»ЖШС директоры Руслан Птуховқа құрылыс жұмыстарын жылдамдатып, кестеге сай жұмыс істеуін тапсырды.
Атап өтер болсақ, жоба 2018 жылы аяқталады деп жоспарланған.
