Беларусь ЭКСПО-2017 көрмесін өткізіп жатқан Астананың тәжірибесіне қызығушылық танытуда

8 Тамыз, 2017 09:58

Астана қаласының әкімі Әсет Исекешев Беларусь Республикасы Премьер-министрінің орынбасары Анатолий Калининмен екіжақты кездесу өткізді.Беларусь делегациясы елордамызға ЭКСПО-2017 көрмесінің құрылыс нысандары саласында, қалалық инфрақұрылым, коммуналды шаруашылық басқармасы секторында Астананың тәжірибесін үйрену үшін келді.

Астана қаласының әкімдігі хабарлағандай, кездесу барысында тараптар сәулет және қала құрылысы, смарт технологияларды қолдану, қалалық шаруашылықты басқару, энерготиімді жасыл құрылыс стандарттарын қолдану, қоғамдық көліктің жұмысы, аумақты абаттандыру саласында ынтымақтастық мәселесін талқылады.

Энерготиімді технологияларды қолдану мен қалаларды дамыту саласында ынмақтастық орнату және тәжірибе алмасу басты әрі өзекті мәселе болды. Оған қоса қос тарап коммуналды техника және жабдықтар өндірісі саласында өнеркәсіптік кооперацияда ынтымақтастық мәселесін талқылады.

Онымен бірге Беларусь елінің делегациясы Астананың Бас жоспарымен танысып, қала басшылығымен қосымша кездесулер өткізді.

Естеріңізге сала кетейік, Елбасының тапсырмасы бойынша Астанада 2020 жылға дейін қаланы дамыту бағдарламасы іске асырылуда, оған сәйкес Астана шаһары өзін ақылды әрі қауіпсіз қала, өңір шеңберінде инвесторлар мен инновациялар үшін өңірлік халықаралық орталық ретінде қалыптастырады.

Барлық жаңалықтар