Астанада туризм саласының кәсіпқойлары бас қосады
7 Тамыз, 2017 19:45
«Астана Конвеншн Бюро» ЖШС Санкт-Петербургтың Конгресстік-көрме бюросымен бірлесіп «ЭКСПО-2017» халықаралық мамандандырылған көрмесінде 9 тамызда дөңгелек үстел өткізеді, деп хабарлады елорданың медиа орталығы.
Дөңгелек үстелдің тақырыбы — «Оқиғалар энергиясы. Оқиғаға толы шаралардың туристік әлеуеті: үздік тәжірибелер» — Астанадағы халықаралық көрмеге келген Санкт-Петербург делегациясының сапарының негізі болады.
Іскерлік бағдарлама аясында қатысушы елдердің энергетикалық саладағы және экономиканың өзге салаарындағы жетістіктері көрсетіледі, осылайша туризм жан-жақты қамтылады.
Оқиғаға толы туризм шарасы үлкен экономикалық мағынаға ие. Оны өткізу барысында барлық туристік ұйымдардың қызметінің белсенділігі арта түседі.
