А.Перуашев Жамбыл облысының кәсіпкерлерімен кездесті
7 Тамыз, 2017 17:54
Парламент Мәжілісінің депутаты, «Ақ жол» Демократиялық партиясының төрағасы Азат Перуашев Жамбыл облысына барған жұмыс сапары аясында өнеркәсіп нысандарына барып, кәсіпкерлермен кездесті.
Мәжілістің баспасөз қызметі хабарлағандай, депутат «Фабрика ПОШ-Тараз» ЖШС-на барып, жұмысшылармен кездесті. Коммуналдық кәсіпорындардың жоғарғы тарифтері мен шикізат тапшылығы байқалды.
«Шикізаттың мәселесі ең алдымен субсидияға байланысты. Субсидиялау саясаты қайта қарастырылып жатыр. Біздің фракция кейбір жеке сұрақтар бойынша келіспеушілік білдірген еді. Мен сіздерде қандай проблема бар екенін білу үшін келдім», - деді А.Перуашев.
Сапар барысында мәжілісмен «Нұрлы жер» бойынша салынып жатқан Арай ауданындағы тұрғын үйлерді аралады.
Сондай-ақ, депутат өңір кәсіпкерлерімен кездесті.
