ЕЭК оптикалық талшық өндірушілерді қолдайды

7 Тамыз, 2017 13:27

Еуразиялық экономикалық комиссия алқасының отырысында сыртқы және өзара сауда, кедендік әкімшілендіру мәселелері талқыланды. Атап айтқанда, ЕЭК Алқасының мүшелері оптикалық шыныдан жасалатын шыбыққа кедендік әкелу бажының мөлшерлемесін 2 жыл мерзіміне нөлдеу туралы шешім қабылдады.

«Құжат ресми жарияланған күніне бастап күнтізбелік 30 күн өткен соң күшіне енеді. Бұл уақытқа дейін 14% мөлшерлемесі қолданылады», - деді ЕЭК-те.

Шыбықтарға бажды нөлдеу шешімі Еуразиялық экономикалық одақ аумағында оптикалық талшық өндірісі және оны дайындау бойынша заманауи кәсіпорындар салу үшін ықпал етеді, коммуникациялық инфрақұрылымды жаңартуды жылдамдатуға және кабельдік салада жаңа сегмент құруға мүмкіндік береді.

2014-2016 жылдары оптикалық шыныдан жасалған шыбықтарды ЕАЭО елдеріне жеткізу көлемінің 50 есе өсуі қабылданған шешімнің маңыздылығын білдіреді. Мөлшерлемені уақыт бойынша төмендету 2020 жылға дейін оптикалық талшық өндірісін 2 есе ұлғайтуға мүмкіндік береді.

Әкелу бажын нөлдеу Одақтың бірыңғай кедендік-тарифтік саясаты элементтерінің бірі болып табылады.