Дмитрий Медведев Астанадағы ЭКСПО-2017 көрмесіне келеді

7 Тамыз, 2017 11:56

РФ Үкіметінің Төрағасы Дмитрий Медведев 14 тамызда Астанада өтетін Еуразиялық үкіметаралық кеңес отырысына қатысады, деп хабарлады Қазақстанның Ресейдегі Елшілігінде.

Ақпарат бойынша, кездесу барысында Ресей, Қазақстан, Армения, Беларусь және Қырғызстанның премьер-министрлері Еуразиялық экономикалық одақ аясында интеграциялық өзара іс-қимылды кеңейту жөніндегі негізгі міндеттерді қарайды. Салалық ынтымақтастықты дамытуға, соның ішінде бірыңғай электроэнергетикалық нарықты қалыптастыруға және үйлестірілген көлік саясатын іске асыру жөніндегі шараларға баса назар аударылмақ.

Үкімет басшыларының қарауына одақтың "цифрлық тәртібін" ілгерілету бойынша бірлескен жұмыс туралы баяндама ұсынылады. Сондай-ақ, тараптар одақтың халықаралық әріптестерімен сауда режимдері туралы келісімге дайындық барысын және басқа да тақырыптарды талқылайды.

Астанаға сапары барысында Дмитрий Медведев «ЭКСПО-2017» көрмесін де араламақ.

Барлық жаңалықтар