Астанада ЭКСПО-2017 көрмесі аясында Қостанай облысының күндері өтуде

Қостанай облысының үздік суретші, мүсінші, қолөнерші, әртістері өз шығармашылығы мен өнерін көрсетеді.

5 тамызда сағат 21.30-да ЭКСПО амфитеатрында белгілі қазақстандық әртістер мен музыканттар – Қостанай облысының тумалары Сүндет Байғожин, Анар Мұздаханова, Роза Нұркей, Шахаризат Сейдахмет, Нұрболат Арзамасұлының, сондай-ақ өңірдің үздік шығармашылық ұжымдарының қатысуымен гала-концерт өтеді.

Сонымен қатар, Қостанай облысының мәдениет күндері шеңберінде көрермендердің назарына келесі іс-шаралар ұсынылады: «Шырқар әнім туған өлкем – Қостанай!» концерті, «Дала шамшырағы» және «Ақ-Келін» спектакльдері, «Би әлемі» хореографиялық шолуы, «Тұған жер құшағында» қолөнер экспозициясы.

Қостанай облысының құрама командасы Тоғызқұмалақ, Асық ату, Қыз куу, Аударыспақ, Жамбы ату ойындарынан өз шеберліктерін көрсетеді. Қазақ күресіне Қазақстанның әр түкпірінен күрескерлер қатысатын болады.

Сондай-ақ 6 тамызда «Қазанат» ипподромында топ бәйге және Аламан бәйге жарыстары өтеді.

Қостанай облысының ұйымдастырушылық комитеті арнайы сыйлық қорын бөлген, ал бәйгедегі басты сыйлықтар Қостанай қаласында шығарылған қазақстандық автомобильдер болмақ.

9 тамызда Қостанай облысы күндерінің жабылу рәсімі өтеді.