Францияның алдыңғы қатарлы 2 ЖОО Қазақстанның мемқызметкерлерін дайындауға ат салысады
30 Желтоқсан, 2013 17:27
2014-2015 оқу жылында Францияның алдыңғы қатарлы 2 ЖОО Қазақстан мемлекеттік қызметкерлерін дайындауға ат салысады, деп мәлімдеді ҚР Президенті жанындағы мемлекеттік басқару академиясының ректоры Болатбек Әбдрасімов түлектерге диплом тапсыру барысында.
«Ecole Nationale d'administration (ENA) мен Академия арасындағы әріптестік алдағы уақытта дами бермек. Қазақстан мемлекеттік қызметкерлерін дайындауға Францияның ENA және I Сорбонна Париж Университеті үлес қосады», -дейді ректор.
Сонымен қатар, біріккен магистрлік білім беру шарасын ұйымдастыру бағдарламасы жаңа деңгейге көтерілмек. Бағдарлама бойынша студенттер бірінші жылдарын Академияда оқыса, екінші жылы білімдерін ЕNА университетінде білімдерін шыңдайды. Онда студенттерге I Сорбонна Париж университетінің профессорлары дәріс бермек.
Оқуды сәтті тәмамдап шыққаннан кейін түлектер үш ЖОО-ның «double degree» дипломына қол жеткізеді.
