Елордада Клезмерлік музыка халықаралық фестивалі өтеді

Астаналық әкімдікте хабарлағандай, Халықаралық фестивальге екі топ қатысады. Großmütterchen Hatz & Klok (Австрия) тобы ерекше орындау тәсілімен заманауи музыкада жаңа бөлім ашады және онымен кездесу ерекше әсер қалдырады. Вокал, аккордеон, саксофон үйлесімі дыбыстық фейерверк туғызады.

Di Gasn Trio (Израиль) – атақты топ. Аккордеон, контрабас және кларнет.

Үш дос иерусалим музыка академиясында кездеседі. Содан бері бірге клезмерлік музыка ойнайды. Музыканттардың әрбір концерті ұмытылмас әсер қалдырады. Осылайша, олар еврей фольклорлық мәдениетін сақтап, жаңартуға тырысады.

Олардың музыкасы - клезмер және балқан әуендері бірегей өңдеуде кездесетін орын.

Еске сала кетейік, алғашында клезмерлік музыка тойларда орындалған болатын. «Кле-змер» термині идиш еврей тілінде «аспаптар» және «әуен» дегенді білдіреді.

Клезмерлік музыка – көңілді әрі әсерлі, әрбір әнде белгілі бір тарих бар.