• Басты
  • Қостанай облысында Кейкі батыр кесенесінің құрылысы аяқталуда

Қостанай облысында Кейкі батыр кесенесінің құрылысы аяқталуда

4 Тамыз, 2017 16:48
Қостанай облысында Кейкі батыр кесенесінің құрылысы аяқталуда, бұл туралы облыстық мәдениет басқармасының басшысы Ерлан Қалмақов ОКҚ-дағы баспасөз конференциясында хабарлады.

1916 жылғы ұлт-азаттық қозғалыстың батыры Кейкі батырдың сүйегі Қостанай облысында құрылысы аяқталып қалған кесенеде сақталатын болады.

«Бүгінде торғай жерінде қазақ ағартушысы-педагог Ыбырай Алтынсариннің кесенесін қайта қалпына келтіру жұмыстары аяқталып қалды. 1992 жылы салынған кесенеге күрделі жөндеу жұмыстары қажет болатын. Облыс әкімі бюджеттен 80 миллион теңгені бюджеттен бөлді», - деді спикер.

Ағымдағы жылдың қыркүйек айында танымал қолбасшы, дипломат және Абылайханның үзеңгілесі Шақшақ Жәнібектің ескерткішінің ашылуы өтеді деп күтілуде.  

«Әр халықтың және өркениетінің әулие жерлері мен өлмес батырлары бар. Мемлекет басшысының рухани жаңғыруға бағытталған бағдарламалық мақаласы тарихи құндылықтарды сақтап қалуға бағытталған», - деп атап өтті Ерлан Қалмақов.

Естеріңізге сала кетейік, 2016 жылдың 6 қазанында Қазақстанға аңызға айналған Кейкі батырдың бас сүйегі жеткізілді. Оның елімізге қайта қайтару мәселесін ҚР экс-премьер-министрі Кәрім Мәсімов Ресей Федерациясының премьер-министрі Дмитрий Медведевпен кездесуде көтерді. Өз кезегінде, ресейлік үкіметтің басшысы бұл мәселеде қол ұшын созуға уәде берген болатын.  

Барлық жаңалықтар