Қазақстан мен Италия өзара тауар айналымын түрлендіруі керек – елші (ВИДЕО)

«Итальяндық тауардың Қазақстанға экспортталуына келсек, өткен жылы  ол 8 пайызға артты. Меніңше, бұл өте сәтті фактор, себебі ол жеңіл заттар  емес, қондырғы, көлік және  өнеркәсіпке қажетті сынды заттар. Қазақстаннан шығатын импорт көлемі азайды. Баррель бағасы төмендеді», - деді Италия елшісі.

Оның айтуынша, Қазақстан мен Италия  өзара сауда айналымын түрлендіруі керек.

«Біздің алдымыздағы мақсат – импорт пен экспортты түрлендіру,  «Жібек Жолы» сынды  жобаларға қатысу. Бұл жоба екі ел арасында үздік логистика қалыптастыруға мүмкіндік береді», - деді С. Раваньян.

Ол айтып өткендей, Астана үшін ЭКСПО-ға  дайындық   оң тәжірибе сыйлады.

«Әрбір ЭКСПО – бұл көлік, Миланда өткен ЭКСПО тәжірибесі бар. Астанада көрген  дүниеміз – өте қажетті тәжірибе», - деді елші.

Қайрат Жандыбаев

Видео:  Арман  Мұхатов