Ақмола облысында сүт өңдеу зауыты ашылады

Өңірлік коммуникациялар қызметінде хабарлағандай, кәсіпорын "Хамзе" шаруа қожалығының базасында ашылады. Зауыттың қуаттылығы тәулігіне 2-2,5 тонна сүтті құрайды.

«Бүгінгі таңда сүт-тауар фермасы жұмыс істеп жатыр. Германиядан асыл тұқымды сиырдың алғашқы партиясы сатып алынды. Жақында тағы 90 бас сатып алмақпыз. Зауыт ашылғаннан кейін 2-3 жыл ішінде кәсіпорын толық қуаттылығына шығып, 400 ІҚМ басына жетеді деп жоспарланып отыр», -  деді «Хамзе» шаруа қожалығының басшысы Ержан Биекенов.

Асыл тұқымды мал «Ерейментау Агро» агрокорпорациясының 200 миллион теңге мөлшеріндегі несие қаражаты есебінен сатып алынған. 

Қазір фермада 15 адам жұмыс істеп жатыр. Орташа жалақы 70 мың теңгені құрайды.