Мемлекеттік басқару академиясының 7 түлегі ҚР мен Францияның бірлескен бағдарламасы бойынша диплом алды
30 Желтоқсан, 2013 15:49
Бүгін ҚР Президенті жанындағы Мемлекеттік басқару академиясының 7 түлегі ҚР мен Францияның Ecole Nationale d'administration дипломына ие болды.Халықаралық білім беру бағдарламасының «Мемлекеттік басқару» және «Халықаралық қарым-қатынас» мамандығының дәрежесіне ие болды.
«Біз бүгін 7 магистрантқа диплом беру рәсіміне жиналдық. Олар «Екі диплом» бағдарламасы аясында оқып шыққан болатын. Олар 2 жыл бойы білім алды. Бірі академия қабырғасында, екіншісі Франциядағы Ecole Nationale d'administration мемлекеттік басқару мектебінде», - деді Академия ректоры Болатбек Әдірасимов салтанатты шарада.
«Біз екіжақты ынтымақтастықты 2010 жылдан бастап дамтып келе жатырмыз. ENA-мен біз Академияға керекті бағыттарды қарастырамыз. Сондай-ақ, біз оқытушыларды алмастыру арқылы тәжірибе алмасудамыз», - деді Б. Әбдрасимов.
Айта кетерлігі, Францияның ұлттық әкімшілік мектебінде Францияның 7 Президенті мен 3 Премьер-Министр оқып шықты.
