Чилидің энергетика вице-министрі: Әлемді энергетикалық өзгерістер күтіп тұр
Ресми бөлімінде Чилидің энергетика вице-министрі Химена Хара әлем энергетикалық өзгерісті бастан кешіру керектігін айтты, оның құрамына баламалы энергия көздеріне серпін жасау енеді. Оның айтуынша, «Болашақтың энергиясы» тақырыбы әлемдік қауымдастық үшін аса маңызды. ЭКСПО-2017 елдерге «жасыл экономикаға» өту саласында тиімді мүмкіндік беріп отыр.
«Біздің табиғи жағдайды ескерсе Чили үшін аталмыш тақырып өте жақын. Бізде қазба жанармай жоқ, сондықтан да біз табиғи газды планетаның әр өңірінен жеткіземіз. Күн радиациясының ең жоғарғы деңгейі Атакама құрылығында орналасқан. Оның аймағында үнемі жел соғады. Осы біздің жанармай болып табылады. 10 жыл бұрын күн және жел энергеиялары тек бақуатты елдер үшін ғана қолжетімді деп айтқан болатын, себебі оған кейбір мемлекеттер ғана қол жеткізе алады. Бүгінде министр бұл барлық планетаның болашағы екенін сеніммен айта алады», - деді вице-министр.
Өз кезегінде, ҚР қорғаныс министрінің орынбасары Талғат Жанжүменов Чилидің баламалы энергетика көздерін дамытудағы мүмкіндігі зор екенін атады. Чилиде гидроаккумуляторлық жүйе үшін ең қолайлы жағдай бар.
«Чили Республикасының баламалы энергия көздері саласындағы саясаты мен жетістігі өзге аймақтың энергетикалық нарықтар үшін өте құнды тәжірибе болып табылады. Олардың ЭКСПО-2017 көрмесіндегі жаңашылдықтарды таныстыруы өте тиімді. Қазақстан Чилиді Латын Америкасындағы ең тұрақты ел ретінде таниды. Қаржылық-экономикалық және әлеуметтік саяси тұрақтылық, тұрақты жоғарғы бедел Чилиге халықаралық қауымдастық алдында Оңтүстік Американың «эталон» рөліне мүмкіндік береді. Чилидің ЭКСПО-2017-не қатысуы халықаралық қызметтің сауда-экономикалық қарым-қатынасы саласын белсенділету платформасы ретінде қарастырылады», - деді Қорғаныс министрлігінің орынбасары.
Чили Республикасы – Оңтүстік Американың оңтүстік-батысында орналасқан мемлекет, Ол Тынық мухиты мен Андами арасында ұзын жолақ жерді алып жатыр. Батыста Тынық мұхитымен шайылса, Аргентина, Перу, Боливиямен шекаралас. Ұлттық экспозиция Латын Америкасы павильонында орналасқан.
