• Басты
  • «Әйелдер павильоны» алдағы ЭКСПО көрмелерінде «EXPO Women» форумын құруды ұсынды
2 Тамыз, 2017 11:57

«Әйелдер павильоны» алдағы ЭКСПО көрмелерінде «EXPO Women» форумын құруды ұсынды

ЭКСПО-2017 аясында Астанада екінші «EXPO Women халықаралық әйелдер форумы ашылды. Форумға қатысушылар «Болашақтың энергиясы: әйелдер, бизнес және жаһандық экономика» тақырыбын талқылайды. Форум аясында қатысушылар ЭКСПО көрмелерінде «EXPO Women» форумын құруды ұсынды.
«Әйелдер павильоны» алдағы  ЭКСПО көрмелерінде «EXPO Women» форумын құруды ұсынды

Айта кетейік, әйелдер форумының  ұйымдастырушылары EXPO Women халықаралық ұйымы, G-Global, «Әлеуметтік динамика» Қоғамдық қоры, ҚР Тұңғыш Президентінің кітапханасы,  Астанадағы ЕҚЫҰ бағдарламалар кеңсесі.

 Форумға Қазақстан өңірлерінің әйелдері мен  Ресей, Италия, АҚШ, Финляндия және өзге елдердің  өкілдері   қатысты.

«EXPO Women» Президиумының төрағасы, ҚР Президенті жанындағы «жасыл экономикаға»  көшу кеңесінің  мүшесі Салтанат Рахымбекова айтып өткендей,  әйелдерге жасыл технология саласындағы шараларды ұйымдастыру қажет.

«Біз бүгін қоршаған ортаны қорғау мәселесінде әйелдер  әлеуетінің жетістігін көрсетіп отырмыз, климаттың өзгеруімен күрес,  жасыл экономикаға көшу, сондай-ақ, 2015 жылы қабылданған   тұрақты дамудың  17 мақсаты. 2000 жылы  өткен мақсаттардың қорытындысы кезінде біздің ел  үздік көрсеткішке ие болды.  Қазір ЭКСПО көрмесін өткізген соң, 17 мақсатқа қол жеткізу  бойынша барлығымыз бірігіп елімізге  рейтингтің жоғары сатысынан орын алуға көмектесеміз», - деді Салтанат Рахымбекова.

Назарбаев  орталығында  «Әлемді өзгерткен әйелдер» фотокөрмесі өтті.

 «EXPO Women» басшысы айтып өткендей,  үшінші халықаралық әйелдер форумы  Дубайда өтеді.

«Екі жыл бұрын Миланда  «EXPO Women» ұйымдастырып, алғашқы халықаралық форум өткіздім.  Миланда келіскендей,    болашақта  ЭКСПО көрмесінің барлығы – біздің көрме (әйелдердің).  Біз ғылым, инновация, мәдениет және өнер саласындағы жетістіктерімізді міндетті түрде көрсетуіміз керек. Екі жылдан кейін  Дубайда үшінші халықаралық форум өткіземіз. Үшінші форумымыз  ЭКСПО тақырыбын жалғастырады. Дубайдағы ЭКСПО-да мыңжылдық мақсатына жету болуы керек», - деді ол.

Сондай-ақ, форумға қатысшылар   Дубайда  ЭКСПО-2020 көрмесінде «Expo and Women» әйелдер павильонын  құруды ұсынды.

Форум аясында «Coca Cola Белестері», республикалық байқау жеңімпаздарын ресми марапаттау рәсімі өтті. Конкурстың  10 жеңімпазы 4 мың доллар көлемінде өз жобаларын жүзеге асыруға мүмкіндік алды.

Ақбота Күзекбай

Барлық жаңалықтар