• Басты
  • Бенин Республикасы ЭКСПО-2017 көрмесінің тақырыбын қолдайды
2 Тамыз, 2017 09:12

Бенин Республикасы ЭКСПО-2017 көрмесінің тақырыбын қолдайды

ЭКСПО-2017 аясында Бенин Республикасының Ұлттық күнін мерекелеу салтанаты өтті, деп хабарлады көрменің медиа орталығы.
Бенин Республикасы ЭКСПО-2017 көрмесінің тақырыбын қолдайды

Шараға ҚР Білім және ғылым министрлігінің  жауапты хатшысы Арын Орсариев, Еуропа сыртқы істер министрлігінің департамент директоры  Сетчехо Кристоф Дангнихин және өзге тұлғалар   қатысты.

«Біз ЭКСПО-2017 көрмесінің  ЖЭК пен таза энергияны қолдануға арналған  тақырыбын қолдаймыз. Бенин Үкіметінің басты мақсатының бірі – ағаштарды кесуге қарсы тұру. Осы себепті ағайынды егіздер  «Atingan do zosi» пешін ойлап тапты, ол баламалы энергия көздері негізінде жұмыс істейді. Алғашында ол қоршаған ортаны сақтап қалу үшін, ішкі газ қажеттілігін төмендету мақсатында әзірленген болатын», - деді Еуропа сыртқы істер министрлігінің департамент директоры  Сетчехо Кристоф Дангнихин.

Айта кетейік,  биылғы жылы Қазақстан мен Бенин арасындағы дипломатиялық қарым-қатынасқа  6 жыл толды. Бүгін мемлекеттің  тәуелсіздік алғанына  57 жыл толып отыр. Өз кезегінде, Арын Орсариев  Бенин Республикасының халқын  аталмыш датамен құттықтап, ЭКСПО-2017-ге аталмыш елдің қатысуы  екі ел арасындағы сенім қарым-қатынасын нығайтанын атап өтті.

«ЭКСПО-2017 көрмесіндегі жаңа идеялар  Қазақстан үшін ғана емес, жалпы  жаһандық энергия үшін қолданылады. Бенин Ресупбликасының  қатысуы  екі ел арасындағы жақсы қатынастың куәсі. Қазақстан үшін бұл Африканы ашудың мүмкіндігі», - деді ол.

Бенин павильонында  ұлттық экспозиция бар, ол елдің мәдениеті мен салтын таныстырады. Павильон «Африка Плаза»  ұжымдық павильонында орналасқан. Осы көрмеге дейін ел Шанхайдағы ЭКСПО-2010, Миландағы ЭКСПО-2015 көрмесіне қатысты.

Сондай-ақ, Бенин Республикасында баламалы энергия көздерінің әлеуеті жоғары. Бениннің энергетика секторында  биомасса негізінде  энергияны қолдану  59,4 пайызды құрайды, одан кейін мұнай өнімдері  38,4. Аз көлемді  электр энергиясы құрайды (2,2 пайыз).  Аталмыш ел  100 пайыз мұнай импортына тәуелді.

Барлық жаңалықтар