• Басты
  • Астанадағы ЭКСПО-2017-де Гамбия Республикасының Ұлттық күні өтті
1 Тамыз, 2017 15:43

Астанадағы ЭКСПО-2017-де Гамбия Республикасының Ұлттық күні өтті

Астанадағы ЭКСПО-2017 халықаралық мамандандырылған көрмесінің аумағында Гамбия Республикасының ұлттық күні өтті. Гамбия Республикасының сауда, өндіріс, аймақтық интеграция мен жұмыспен қамту министрі, доктор Исату Турей өз сөзінде Қазақстанға қонақжайлылығы үшін алғыс білдіріп, болашақтағы нәтижелі ынтымақтастыққа мүдделі екенін жеткізді.
Астанадағы ЭКСПО-2017-де Гамбия Республикасының Ұлттық күні өтті

«Астанада жүргенімізге және өте әдемі Қазақстан халқымен жүздескенімізге  қуаныштымыз. Сіздердің қонақжайлылықтарыңызды жоғары бағалауға рұқсат беріңіздер. Мен сіздерге жоғары мәртебелі президентіміз Адам Барроудың сәлемін жолдағым келеді. Біз сіздерге сауда және инвестициялық ұсыныстарымызды таныстыруға әзірміз. Мен Жаңа Гамбия энергетика бойынша «Жол картасын» аяқтағанын жеткізгім келеді, ол инвесторларды біздің жылы жағажайға тартуға септігін тигізетін болады. Біз болашақта нәтижелі ынтымақтастыққа мүдделі екенімізді жеткізгім келеді», - деді И.Турей.

Осы ретте, әділет министрінің орынбасары Эльвира Әзімова сөз сөйлеп, Гамбия Республикасын Ұлттық күнімен құттықтады.

«Қазақстан мен Гамбияны ислам ынтымақтастығы аясында достық қарым-қатынас байланыстырады. Айта кетерлік жайт, ағымдағы жылдың тамыз айында ЭКСПО-2017 алаңында ғылым мен технологияны дамытуға бағытталған бірінші саммит өтеді. Болашақта ЭКСПО құрылысы нақты жобалар түрінде жаңа өмірге ие болады. Гамбия Республикасына көрмені өткізу барысында көрсетк ен қолдауына алғысымды білдіргім келеді. Сіздерді Ұлттық күндеріңізбен құттықтаймын және алға қойған мақсаттарыңызға жетулеріңізге тілестестігімді білдіргім кледі», - деп құттықтады  Э.Әзімова.

Ресми бөлімнен кейін Ұлттық күннің ажарын Гамбиядан келген өнер иелері өз өнерлерімен аша түсті.

Қайрат Жандыбаев

Барлық жаңалықтар